Bollywood Film Director to kakimuto.
Kavang aphai kati ding ham ole anunnom kahi kati ding ham? Mitam tah in amu jou lou Guwahati a "TECHPREACH Media Workshop" kanei lai in "award winning Bollywood Film Director, Sumit Osmand Shaw toh Shillong a kakimuto lhon'e. Media hi thahat tah ahijeh in media um ho to kihettona le tohkhomna nei ding hi tup len khat ahi. Pathen phatsah ahile amatoh makho a project khat a tongkhom dingin kaum lhon in kakipah'e. Chule Sumit hi Hindi feature film "Iski Uski Sabki" a Director ahin a film hi tukum hung pot ding in aum'e.
Missing Mang
Pushpa kiti numei khat toh Mumbai a kana toh na a kakimuto lhon'e. Pushpa hi genthei tah insung a kon ahi. Agenthei jeh chun miphalou pasal khat in ana lhemlha in Mumbai a natong dingin ana pui in ana kijoh doh tai. Pushpa akap in, apeng in ahinla ajah peh ding aumtapoi. Pushpa ama nop le da um talou lou in Noti ho lah a chun ama ding jong hilou in akichohnu ding chun atahsa ahin joh tai. Khonungin Salvation army Outreach team hon Pathen thu ana seipeh un Jesu ana kisan'e. Pathen ahin hou jou chun masang'a ana umna mun a chun Missionary ma ma in ahung pang tai. Hiche phatlai tah a hi Pushpa hi kaloinu toh kahin kimupi lhon a toh jong kahin toh khom u ahi. Athusim chu film a sem dingin kahung kigong tauve. Ahinla vangset um tah in tohvai kihop masang le vaikon masang in Pushpa'n eina mollem san tauve.
Ahinla ama ana um ta hih jong athusim a kon chun thusim ahung kisem in Missing Mang hi hung kisem doh ahi.
Hepa Nangtobang Kahinom'e
Hiche movie hi Zilkungte jumso na ding'a kisem hilou in ikhah doh thei na ding uva kisem ahi. Jesu a demna, seisetna aumpo'n hijeh chun miseiset midem in katha anompoi. Ahinla Government Zilkung jouse'n vang kitah tah le thudih tah atohdiu kin ho atoh diu hi katup pen ahi.
